Pangkalahatang Kalendaryong Romano ng 1960

Ang mga nakatala rito ay ang kapistahan ng mga banal ng Pangkalahatang Kalendaryo ng Roma, ayon sa motu propio (o sulat ng Papa na ginawa sa sariling pagkukusa) na Rubricarum Instructum ni Papa Juan XXIII na kinasihan noong Hulyo 25, 1960. Isinakatuparan ito kinabukasan, Hulyo 26, 1960, ng Banal na Kalipunan sa Gawi sa Pagsamba, sa dekretong Novum rubricarum. Kabilang ang kalendaryong ito sa sipi ng Aklat ng Pagmimisa ng Roma na inilmbag noong 1962, na pinahintulot ang patuloy na paggamit ni Papa Benedicto XVI batay sa kanyang motu propio na Summorum Pontificum.

Pinalitan ng Novum rubricarum ang dating klasipikasyon na Doble, Semidoble at Simple kasama ang mga uri at gunita na I, II at III. Inalis na rito ang ilang kapistahan, partikular ang mga nauulit na pista, tulad ng Pagtatampok sa Krus na Banal (Mayo 3 at Setyembre 14), ang Luklukan ni Apostol San Pedro (Enero 18 at Pebrero 22), San Pedro (Agosto 1 at Hunyo 29), San Juan ang Ebanghelista (Mayo 6 at Disyembre 27), San Miguel (Mayo 8 at Setyembre 29), at San Esteban.

Ang pinagkaiba nito sa Pangkalahatang Kalendaryong Romano ng 1954, isinasama na rito ang mga pababago na ginawa ni Papa Pio XII noong 1955 na may pagbabawas ng mga Octava (Walong Araw na Pagdiriwang) na nauwi sa tatlo na lamang: yaong Pasko, Pasko ng Pagkabuhay at Pentekostes.^[1]

1. ↑ Pangkalahatang dekreto na Cum nostra ng Banal na Kalipunan sa Gawi sa Pagsamba